//我一直相信，一個男人好專注咁做一件事嘅時候係好吸引。而我認為自己打籃球嘅時候係好專注，所以我一路都好想有機會比自己心儀嘅女仔見到我呢一面。所以出發前我同導演講如果有機會喺台灣打籃球就好，做左毒L咁多集seven左咁耐都可以型返次。//
《EP10 - 我非你杯茶 也可盡情地喝吧》
我一直相信，一個男人好專注咁做一件事嘅時候係好吸引。而我認為自己打籃球嘅時候係好專注，所以我一路都好想有機會比自己心儀嘅女仔見到我呢一面。所以出發前我同導演講如果有機會喺台灣打籃球就好，做左毒L咁多集seven左咁耐都可以型返次。
黎到成個旅程嘅最後一個女仔，所得到嘅資訊係佢係一個做運動嘅女仔。嘩！聽到呢度已經好想同佢瘋狂做運動。因為根據Arial嘅經驗，台灣女仔又鍾意運動嘅，係有一種異常嘅吸引力，總係親切啲熱情啲，佢份主動係主到令你以為佢對你有好感。即使係假都好，都叫爽左呀。
到左相遇嘅早上，從遠處望到惟惟，突然有種怕醜。就算佢黎到之後，禮貌上打個招呼之後就係睇住佢打籃球。原來女仔打籃球係可以咁好睇，當然要配上佢個樣本身好睇。
成個過程我都好緊張，直到我送上前一晚寫起嘅情書，先慢慢打破我地間嘅隔膜。能夠同惟惟呢啲咁靚嘅女仔一齊打籃球，已經完左我一個夢。個種興奮，就好似櫻木花道同赤木晴子一齊打籃球一樣。
直到最後要送惟惟走，我終於忍唔住問佢有無男朋友。佢嘅答案係，
「沒有喲～」
嘩！你明唔明白嗰刻我嘅心情係幾咁之興奮。
「但我有喜歡的人，是做導演的。」
嘩！你明唔明白嗰種由天堂瞬間跌入地獄嘅感覺係點。
Any肥，雖然我唔係佢仰慕嘅人，但至少我地渡過左好歡樂嘅早上。我嘅情信有令惟惟心跳加速到，至少我覺得有真係約會嘅感覺。
到節目出街，好多人都表示最鍾意嘅係惟惟。如果呢刻你再問我成個旅程最鍾意邊個台灣女仔？
Why not all?
惟惟參數
攻擊力：*
防禦力：*
續航力：*****
親和力：*****
摩擦力：*****
［完］
===================================
ViuTV
波盛
今季節目已經全部播映完畢，
有無下一季？我都唔知。
重溫：http://viu.tv/encore/886-mm
#viutv #波盛 #惟惟 #886MM #星期五無得睇係咪好唔慣呢 #我都掛住逢星期五追節目嘅感覺 #想有第二季唔好剩係喺給度留言啦 #直接同我地老細viutv講 #呢張相真係好靚 #睇完好有衝動想再見到惟惟 #影嘅時候刻意親近 #無計啦大家都鍾意湖人 #放開那個女孩
Search